Lajcak thotë se në takimin me Kryeministrin Kurti mbrëmjen që kaloi, janë pajtuar që të zbatohen të gjitha marrëveshjet e nënshkruara në Bruksel. E, një nga këto marrëveshje është edhe formimi i Asociacionit.
Përfaqësuesi Special i Bashkimit Evropian për dialogun Kosovë – Serbi, Miroslav Lajcak, e ka takuar në mbrëmjen e së mërkurës Kryeministrin Albin Kurti dhe zëvendësin e tij, Besnik Bislimin.
Takimin që, kësaj radhe, duket të jetë realizuar në orët e vona në një nga restorantet e vendit, Lajcak e përshkruan si të hapur dhe të qartë.
Përfaqësuesi evropian thotë se me Kurtin u pajtuan që të gjitha marrëveshjet e nënshkruara më parë në Bruksel, duhet që të zbatohen plotësisht.
“U ktheva në Kosovë për diskutimet e sinqerta, të hapura dhe intensive me Kryeministrin Albin Kurti dhe zv.kryeministrin Besnik Bislimi për hapat e mëtutjeshëm drejt normalizimit të raporteve me Serbinë. Po ashtu, u pajtuam që të gjitha marrëveshjet e arritura më parë në Dialog, duhet të zbatohen plotësisht”, ka shkruar Lajcak.
Back in Kosovo today to continue my frank, open and intense discussions with PM @albinkurti and DPM @BislimiBesnik on next steps and the way forward on normalisation of relations with Serbia. We also agreed that all past Dialogue Agreements must be fully implemented. pic.twitter.com/zURabtdEmF
— Miroslav Lajčák (@MiroslavLajcak) January 25, 2023
Në mesin e marrëveshjeve të mëparshme të nënshkruara mes Kosovës dhe Serbisë, që Kurti e ka refuzuar kategorikisht deri tani është themelimi i Asociacionit të komunave me shumicë serbe në Kosovë.
Kjo është hera e dytë brenda javës që Përfaqësuesi Special i BE-së qëndroi në Prishtinë.
