Kryetari i LDK-së, Lumir Abdixhiku ka thënë se Kosova po zbrazet dhe se nuk ua kemi borxh politikanëve që e kanë përfundimin theqafjen.
E për këtë deklaratë ka reaguar Avni Zogiani, i cili ka thënë se kjo ndodh për shkak se LDK, PDK dhe AAK, ka mbyllur fabrikat, i kanë falur ato, vendosët të bëni autostrada para investimeve në arsim, shëndetësi etj.
Tutje, Zogiani thotë ju zhdukët pronën publike.
“Sepse ju e keni quajtur veten të djathtë, por qeverisjen se keni përdorur për zhvillim të qëndrueshëm të sektorit privat, por për t'iu dhënë një grusht oligarkëve”, shkruan tutje ai.
Shkrimi në Facebook:
Po Lumir, Kosova po zbrazet, por a e din pse?!
Para se gjithash sepse LDK, bashke me PDK, LDK, e AAK, i mbyllen fabrikat, i falen ato, dhe i shnderruan ne magazina per importe.
Sepse ju te kater partite per 20 vjet krijuat nje sistem financiar qe nxer parane nga Kosova, me banka e institucione financiare shpesh te dyshimta.
Sepse ju vendoset te benit autostrada ne vend se te investonit ne arsim, shendetesi, infrastrukture biznesi e programe per perkrahje te prodhimit.
Sepse ju shfrytezuat politiken per te kapur vende profesorlleku, dhe anasjelltas, duke hedhur pertoke kriterin shkencor ne fushen akademike, pra e larguat shkencen e futet partine ne universitete.
Sepse ju pasurite publike kurre nuk i trajtuat si te mira te pergjithshme, por i ndate mes vete dhe me klientet tuaj ne biznes, duke mos lene asnje mundesi qe ato te shfrytezohen per zhvillim te qendrueshem.
Sepse ju zhduket pronat publike, duke mbushur me ndertime tokat qe deri ne kohen tuaj perdoreshin per shembull per prodhimin e luledjellit e panxhar sheqerit!
Sepse ju edhe ne nivel qendror i keni zhytur kompanite publike ne korrupsion e kontrata klienteliste, duke e sjellur per shembull Telekomin nga nje kompani me dividende 200 milione me 2008, ne kompani qe s'paguan dot as pagat!
Sepse ju e keni quajtur veten te djathte, por qeverisjen se keni perdorur per zhvillim te qendrueshem te sektorit privat, por per t'iu dhene nje grusht oligarkeve.
