Gjatë ditës së sotme Natasha Kandiq, themeluesja e Fondit për të Drejtën Humanitare, tha se deklarata e ambasadorit rus në Serbi, Aleksandar Bochan-Kharchenko, duhet marrë si paralajmërim për presidentin serb, Aleksandar Vuçiq, se nëse ai vendos sanksione ndaj Rusisë, kjo e fundit do të votojë pro anëtarësimit të Kosovës në OKB.
E në lidhje me këtë temë ka folur profesori universitar, Enver Bytyçi.
Ai u shpreh se presidenti rus në kushtet që ndodhet është i interesuar që Beogradi t'ia jap këtë shans me vendosjen e sanksioneve anti-ruse, përcjell “Bota sot”.
Profesorimë tej thotë që nëse Moska njeh Kosovën dhe voton për anëtarësimin e saj në OKB, atëherë ajo do ta provokonte bashkësinë ndërkombëtare me qëllim të përfitojë mbajtjen Krimesë dhe zonave lindore të pushtuara të Ukrainës.
Postimi i plotë
Sipas Natasha Kandiq, ambasadori rus në Beograd, Aleksandar Bochan-Kharchenko, e ka kërcënuar presidentin Vuçiq dhe qeverinë e Serbisë se nëse ata vendosin sanksione ndaj Rusisë, atëherë Kremlini do të votojë për pranimin e Kosovës në OKB!
Në fakt presidenti rus në kushtet që ndodhet është i interesuar që Beogradi t'ia jap këtë shans me vendosjen e sanksioneve anti-ruse. Sepse nëse Moska njeh Kosovën dhe voton për anëtarësimin e saj në OKB, atëherë ajo do ta provokonte bashkësinë ndërkombëtare me qëllim të përfitojë mbajtjen Krimesë dhe zonave lindore të pushtuara të Ukrainës.
Pra, nuk do të ishte hakmarrje e Kremlinit ndaj Serbisë. Kjo do të ishte interes rus! Sidomos në momentin që Serbia do të shkëputej nga ndikimi rus dhe do t'i bashkohej Perëndimit!
