Ditë më parë një deklaratë e cila mori vëmendjen e opinonit publik është tallja që profesori Slobodan Përvanoviq, ka bërë ndaj Qeverisë së Serbisë dhe kabinetin e kryeministres serbe, Ana Brnabiq.
Ai ka thënë se Qeveria e Serbisë nuk shërben për asgjë, duke theksuar se nëse do t’u jepeshin dy dele atyre, njërën do ta humbisnin, ndërsa tjetrën do ta vidhnin.
“Qeveria e Serbisë nuk shërben për asgjë. Ajo është aty për të mos bërë asgjë, por vetëm p ër të plotësuar vendet e parapara me ligj. Roli i ministrave është vetëm të shkojnë në punë, dhe të shtiren si ministra. Unë nuk kam pasur asnjë pritshmëritë prej tyre. Ata as nuk zbatojnë politika dhe as nuk projektojnë gjë. Unë shkrova në Tëitter se nëse një njeri do t'u jepte dy dele për t'u kujdesur, ata do të humbnin njërën dhe do të vidhnin tjetrën.” – theksoi ai.
E në lidhje me këtë për “Bota sot”, ka folur analisti dhe profesori nga Amerika, Binak Maxharraj.
Ai u shpreh se kjo deklaratë e Përvanoviq është më se e saktë pasiqë duke parë nivelin që ka rënë politika në Serbi atëhere do të sjellin vendin në një katastrofë të paparshikueme.
“Profesori hulumtues shkencor në Institutin e Fizikës Slobodan Përvanoviq duke e parë situatën e tashme politike në Serbi dhe të gjitha trubulencat rreth e përreth saj në një postim për “Novi Dan” është tallë me presidentin e Serbisë Aleksnadër Vuçiq duke theksuar se: “Po të ia japësh dy dele Vuçiqit për ti ruajtur dhe kullotë,njerën do ta humbëte e tjetrën do ta vjedhte.Kjo është e vërteta se në çfarë niveli ka rënë poltika profashiste,nacionaliste dhe çetnike e liderve te Serbisë te cilët po e sjellin vendin në një katastrofë të paparshikuese”, u shpreh Maxharraj për “Bota sot”.
