Drejtori i të ashtuquajturës Zyrë për Kosovën në Qeverinë e Serbisë ka bërë të ditur se kryeministri Kurti në takimin e sotëm po mundohet në mënyra të ndryshme të shmangë obligimin për formimin e Asociacionit.
Në pauzë, pas takimit që pati shefi i diplomacisë së BE-së Borrell me presidentin serb Vuçiq, Petkoviqi u shpreh për TV Pink se presidenti serb po luftonte për të respektuar marrëveshjen e Brukselit.
“Kurti po mundohet në çdo mënyrë që të shmangë detyrimin për formimin e Asociacionit. Ai e bën atë në mënyra të ndryshme dhe me truqe të ndryshme,” – komentoi Petkoviq. Ai shtoi se ka një nervozizëm të madh për këtë çështje.
Petkoviq iu doli kundër zërave në Serbi që sot ishte “Dita D” për Kosovën.
