Shkurije Ramadani, gruaja e Agim Ramadanit Heroit të Kombit, e kishte marrë një copë toke – si dhuratë nga Agron Kelmendi, biznesmeni nga Peja.
Ky i fundit, këtë dhurim parcele e kishte bërë në nderë të Familjes Ramadani si kontribuuese për vendin.
Por, pasi Gjykata Themelore në Pejë e shpalli Kelmendin fajtor, vendim ky të cilin e vërtetoi edhe Apeli, Prokuroria ka kërkuar të ngrihen 80 parcela që ishin në emër të tij, e që i njëjti i kishte dhuruar.
Prokuroria e ka arsyetuar vendimin duke thënë se “s’ka pasur të ardhura për t’i blerë ato”.
Ky vendim i drejtësisë ka ardhur pas premtimeve se në pushtetin e Albin Kurtit do të konfiskoheshin pronat e dyshimta të oligarkëve, dhe si përfundim është “ngrirë” një tokë që i është falur gruas së Heroit, Agim Ramadani.
Zonja Shukrie Ramadani është pyetur për këtë çështje, por ende nuk ka kthyer përgjigje.
