Tanimë, kanë filluar të mblidhen qindra qytetarët dhe organizatat e veteranëve të dala nga lufta në marshin solidarizues në mbështetje të luftës së drejtë të UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi dhe bashkëluftarët e tyre në Hagë.
Marshi për drejtësi ka mbledhur bashkë gjithë skemën politike, shoqërinë civile, personalitete të ndryshme e bashkësi fetare.
Marshi pritet të fillojë nga ora 14:00, duke filluar nga sheshi "Zahir Pajaziti" dhe do të vazhdojë në drejtim të sheshit "Skendërbeu" në kryeqytet.
Ish-krerët e UÇK-së, Hashim Thaçi, Kadri Veseli, Rexhep Selimi e Jakup Krasniqi po akuzohen me pretendimin për krime lufte dhe të njëjtit po qëndrojnë në paraburgim prej nëntorit të vitit 2020.
