Xhevat Dajaku, vëllai i Besim Dajakut, i cili ishte njëri nga viktimat e vrasjeve politike, i cili u qëllua për vdekje në një atentat në tetor të vitit 2001, ka reaguar ashpër ndaj marshit për drejtësi që u mbajt në Prishtinë.
Ai tha se asnjëherë nuk u organizuan marshe për vrasjet misterioze, derisa rikujtoi se Specialja u themelua nga Amerika dhe nuk do arrijnë ta zhbëjnë atë.
“Ky marsh është një kërcënim serioz për familjet e viktimave, ky marsh iu tregon familjarëve, dhe atyre që na shliruan se s'do të ketë drejtësi në Kosovë, pra krimi është "zot" në Kosovë”, shkroi Dajaku në Facebook, përcjell “Bota sot”.
Postimi i plotë
Për mbi njëqind vrasje misterioze dhe asnje marsh, katër-pesë të arrestuar që dyshohen për vrasje të organizuara dhe marshin mezi e nxan kryqyteti!...
Veç mos harroni se gjykatën e ka mjeshtru Amerika s’prishet edhe mi hangër ju asfalltin e Prishtinës.
Ky marsh është një kërcënim serioz për familjet e viktimave, ky marsh iu tregon familjarëve, dhe atyre që na shliruan se s'do të ketë drejtësi në Kosovë, pra krimi është "zot" në Kosovë.
