Ramiz Durimishi nga Instituti i Kosovës për Drejtësi ka folur për procesin e gjykimit që ka filluar në Hagë kundër Hashim Thaçit dhe të tjerëve.
Durimishi ka folur për vlerën e provave të ofruara nga mbrojtja dhe nga prokuroria.
Ai ka thënë se një raport i Departamentit Amerikan të Shtetit ka fuqi shumë më të madhe sesa një komunikatë e UÇK’së.
Megjithatë ai ka thënë se do të jetë më e vështirë për të cilësuar dëshmitë e dëshmitarëve sa i përket cilësisë së tyre.
“Raporti i DASH-it është provë shumë ma e fuqishme sesa një komunikatë e UCK-së. Por në rastin e deklaratave të dëshmitarëve, kur të kemi deklarata të përgjysmuara, s’do të mund të kemi një opinion”, ka thënë Durimishi në Frontal.
