Milos Deleviq, avokati i Nikola Todoroviq që u arrestua dje, ka thënë se klienti pritet që të paraqitet edhe sot para gjykatësit, pasi sulmoi një zyrtar të Policisë së Kosovës në Jarinje.
“Kosovo-Online” raporton se do të vendoset se si do të shkohet me lëndën.
“Të shtunën, ai do të paraqitet para gjykatësit sërish, i cili do të vendos si të shkojë tutje me këtë çështje.” – tha ai.
Ndërkohë, Policia e Kosovës mbrëmë konfirmoi se një qytetar serb është arrestuar në Jarinje, i cili pasi ishte ndaluar, ka sulmuar një prej zyrtarëve duke i shkaktuar edhe lëndime trupore.
