Policia e Kosovës ka njoftuar mbrëmë se një person në veri të vendit është plagosur me armë zjarri. E njëjta ka suspenduar katër zyrtarë të saj në lidhje me rastin. Ky incident është dënuar nga BE-ja gjersa ka nxitur edhe reagimin e ambasadorit të SHBA-së në Kosovë, Hovenier
Zyra e Bashkimit Evropian në Kosovë e ka dënuar incidentin në Veri të Kosovës, ku mbeti i plagosur një qytetar.
“BE në Kosovë dënon incidentin e sigurisë, ku një serb i Kosovës është qëlluar dhe plagosur mbrëmë afër pikëkaklimit kufitar të Policisë së Kosovës në urën e Bistricës në komunën e Zveçanit”, thuhet në reagimin e lëshuar nga Zyra e BE-së.
Policia e Kosovës e ka suspenduar një zyrtar të saj i cili dyshohet se ishte i përfshirë në plagosjen e një personi të hënën në Leposaviq. E njëjta ka bërë të ditur se janë suspenduar edhe tre zyrtarë të tjerë të mundshëm të përfshirë në rast.
