Deputeti i Partisë Demokratike të Kosovës (PDK), Abelard Tahiri, ka thënë se ai nuk ka blerë asnjëherë armë me shurdhues.
Tahiri shpesh nga kryeministri Albin Kurti quhet si ”deputeti me shurdhues“.
”Po flasim për armë që janë blerë gjatë kohës sa kam shërbyer si shefi i kabinetit të Qeverisë Thaçi 1, ato kanë qenë armë që i kanë gjetë në zyre të kryeministrit. Unë armë me shurdhues nuk kam blerë kurrë”, ka thënë Tahiri në Pressing.
Deputeti opozitar ka deklaruar se emri i tij është përmendur për shkak se ai si shef i kabinetit e ka nënshkruar miratimin e blerjeve të atyre armëve.
”Këta e kanë shiku çdo kontratë timen të cilën e kam nënshkru, por nuk kanë mundur të gjejnë asgjë. Tash e përdorin një rrenë“, ka thënë Tahiri.
