Këshilltari në Departamentin Amerikan të Shtetit, Derek Chollet, ka zhvilluar një bisedë telefonike me presidentin e Serbisë, Aleksandar Vuçiq, ku në fokus ishte dialogu Kosovë-Serbi.
Chollet thotë se ShBA-ja pret takim konstruktiv më 2 maj mes kryeministrit të Kosovës, Albin Kurti dhe presidentit serb, Aleksandar Vuçiq.
Ai e ka konsideruar si nevojë urgjente formimin e Asociacionit.
“Pata bisedë thelbësore, pozitive me presidentin Vuçiq sot. Ramë dakord për fuqinë e vazhdueshme të partneritetit ShBA-Serbi dhe fokus të përbashkët në përparimin në dialog, veçanërisht nevojën urgjente për të formuar Asociacionin.
Ne presim një takim konstruktiv më 2 maj në Bruksel”, ka shkruar Chollet në Twitter.
Substantive, positive talk with President Vucic @predsednikrs today. Agreed on continued strength of 🇺🇸-🇷🇸 partnership and shared focus on progress in the Dialogue, especially the urgent need to form ASM. We expect a constructive meeting on May 2 in Brussels.
— Derek Chollet (@CounselorDOS) April 27, 2023
