Deputeti i Listës Guxo, Haxhi Avdyli, ka thënë se deputetët e Kuvendit të Kosovës i kanë shndërruar seancat në sallë gjyqi, ku sipas tij, ata shpeshherë e marrin rolin e gjykatësit dhe prokurorit.
“Seanca e Parlamentit të Kosovës dhe dje dhe shumë herë po e luajnë rolin e një seance të gjyqit, ku deputetët herë bëhen prokurorë e herë gjykatës”, tha ai në RTV Dukagjini.
Sipas tij, këto veprime janë duke i bërë deputetët që vazhdimisht kërkojnë të mos ndërhyhet në sistemin e drejtësisë.
“Ne normalisht se duhet ta mbrojmë pavarësinë e gjyqësorit dhe nuk duhet të përzihemi në punët e gjyqësorit. Gjithmonë duke kërkuar që gjyqësori të jetë i drejtë e jetë i barabartë për gjithsecilin e qytetarë të Kosovës”, ka shtuar ai.
