Zëdhënësi i LVV-së, Arlind Manxhuka, i ka reaguar deputetit të LDK-së, Driton Selmanaj, i cili akuzoi Qeverinë Kurti për amnistimin e Serbisë rreth krimeve të luftës.
Kundërshtimi i Selmanajt në drejtim të pushtetit vjen pasi të martën në Bruksel, kryeministri i Kosovës, Albin Kurti dhe presidenti i Serbisë, Aleksandar Vuçiq, miratuan Dekalratën për të Zhdukurit.
E sipas tij, Kosova me këtë marrëveshje e zhvesh Serbinë nga përgjegjësia për krimet e luftës.
Për këtë, Manxhuja ka publikuar një dokument në Facebook, që ishte marrë gjatë Qeverisë Hoti, ku për çështjen e të zhdukurve nuk përmendet fjala “me dhunë”.
”Ja si i kanë trajtuar këta personat e zhdukur me dhunë. Viti 2020, Kryeministër Hoti, zv.Kryeministër Selmamaj”, shkroi ai, teksa ka bashkëngjitur edhe dokumentin.
