Nënkryetarja e PDK-së, Vlora Çitaku, ka reaguar ndaj deklaratës së sotme të zv/kryeministrit Besnik Bislimi, se ikja e qytetarëve nga Kosova është normale.
Ajo përmes një postimi në Facebook, ka kujtuar kohën kur Kosova përballej me një valë të madhe të migrimit dhe ajo ishte Ministre e Integrimeve Evropiane.
Çitaku ka thënë se nga presidentja e deri te kryetarët e komunave të tërë kanë qenë në terren për të diskutuar, për ta trajtuar këtë sfidë, por që sot trajtohet nga qeveria në mënyrë tallëse dhe përbuzëse.
Postimi i saj i plotë:
Si sot e kujtoj kohën kur Kosova përballej me një valë të madhe të migrimit. Unë isha Ministre e Integrimeve Evropiane.
Sikurse që mbajë mend se atëbotë bartësit e institucioneve të Kosovës, duke filuar nga Presidentja Jahjaga e deri tek secili Kryetarë Komune, ishim në teren, në fshatëra a qytete, për të diskutuar. Ne e pranonim dhe e trajtonim si sfidë dhe si shqetësim. Mundoheshim së paku të dëgjonim.
Ndërkohë që sot, migrimi trajtohet nga Qeveria në mënyrë tallëse dhe përbuzëse.
