Policia Kundër Krimeve Ekonomike është duke e zhvilluar një aksion të gjerë edhe në një nga ndërmarrjet komunale në Prishtinë.
Bëhet fjalë për Ndërmarrjen Publike Banesore, konkretisht për rastin ‘Lakrishta’.
Burimet e medias brenda policisë kanë thënë se aktualisht mbi dhjetë lokacione po bastisen. Cak i bastisjeve janë bizneset dhe banesat e disa zyrtarëve të kësaj ndërmarrje.
Aksionin e ka konfirmuar, zyrtari për informim Bajram Krasniqi.
“Pas përfundimit të operacioneve, do të bëhen të ditura detajet shtesë rreth këtyre operacioneve policore”, tha Krasniqi.
