Opinionistja Kimete Berisha, ka komentuar dorëheqjen e Faton Bislimit nga Lidhja Demokratike e Kosovës. Ajo ka thënë se në letrën e tij të dorëheqjes, Bislimi nuk ka “lënë gjë të zezë” pa ia thënë kryetarit të partisë Lumir Abdixhiku, përcjell Bota sot.
Ndërsa për ish-kryeministrin Avdullah Hoti, Berisha ka thënë se ai nuk “bën” për kryetar të LDK-së, duke thënë se “nëse i jep pushtet Hotit, e sheh ti çka është stalinizmi”.
Sipas Berishës, ajo po bën opozitë më shumë se Abdixhiku dhe LDK-ja, kundrejt qeverisë së Albin Kurtit.
Reagimi i plotë i Berishës në Facebook:
Humoreskë: Veç për Avdullahun e kam seriozisht!
1. Më vardisej një mashkull i Tiranës. Shqipëria i ka meshkujt shumë të poshtër.
Në vetëmbrojtje e sipër, i thashë: Po, hamamin!
Tha: çka është hamami!
Çka di unë - more çka është hamami!
Nevojtore është!
2. Gjuha shqipe u degradua pas luftës nga RTK dhe nga ish drejtori i saj Zatriqi. Dhe pastaj nga Migjeni (të cilin e kam simpati).
Migjeni ka besuar në gegnishte, ama shqiptarët e Kosovës nuk e flasin as gegnishten.
Pas luftës ka qenē modë të luftosh standardin e gjuhës.
Deri para luftës kinematografia, muzika dhe letërsia e kanë ruajtur standardin e gjuhës.
Pas luftës, u çlirua edhe gjuha.
3. Nëse i dëgjon këngët e jugut, me vra ai Zot se ti nuk e di çka po thonë.
Pra, ndarja gjuhësore na ka ndihmuar të mbahemi 'bashkë'!
Sa më pak jemi kuptuar, aq më pak kemi pasur arsye të armiqësohemi!!
4. Me rastin e dorëheqjes së Faton Bislimit nga LDK-ja, s'kish lënë një të zezë pa ia thënë kryetarit të partisë, Lumir Abdixhikut.
Por, në fund të letrës së dorëheqjes, i kish thënë Lumirit: 'Përzemërsisht i juaji'! Qe, qysh të bën kultura të dukesh: budalla!
5. E dini atë bustin e atij protestuesit ulur në sheshin Nëna Terezë?!
Nanat e baballarët po e shfrytëzojnë si kaligja për fëmijët e tyre.
Po ia hypin fëmijët në qafë e pastaj nanat po bëjnë foto.
Njëri një ditë nuk u ngi pa ia dhezë një shuplakë bustit.
E një tjetër ia shfrytëzonte hundën për bori: ty tyt...
- O Zot, u knaq djali, thërriste mamaja.
- Po valla, pērgjigjej babai!
6. Ndjej obligim t'ju njoftoj se janë shtuar serbianët që po m'i bëjnë Like statuset. Vallë kam pushuar së qëni patriote?!
7. Kurrë nuk dite, Kimete: vjen PDK në pushtet - e shan; vjen LDK - e shan; vjen AAK - e shan, vjen VV - e shan.
Nuk përfitove asnjëherë.
Shikoje Lulëjetën sa e mËnÇur.
8. Unë nuk jam e mençur. Jam e lirë.
Liri do të thotë, të jesh ...vetëm, të ndahesh nga njerēzit, të prishesh me ta.
Liri do të thotë: të mos kesh nevojë për asnjëri.
Kur ndahesh nga njerëzit - nuk ka çlirim më të madh.
Mezi s'pres t'ua gjej gabimet...e të ikë.
9. E pashë një zonjë (që ia paguan shteti veturën dhe shoferin dhe ia jep rrogën...pa punuar...).
Hyri në treg, shoferi e priste me veturë ndezur, derisa ajo blinte hudhra.
10. Gjithçka, gjithkund, ka degraduar. Festivali i Kanit më shumë i jep hapësirë Irina Shayk me bikini që dukej si shtrigë e uritur, se sa Harrison Ford-it që fliste për artin derisa i dridheshin duart.
- Arti në përgjithësi po e kërkon shpëtimin në seks, dhe nuk po e gjen.
11. Mendoj se unë, fillikat vetëm kam bërë opozitê më shumë se Lumir Abdixhiku me partinë e tij.
Por, besoj se Lumirit i duhet edhe një mandat për ta treguar veten.
12. Albin Kurti e di se është kryeministri i popullit më të varfër në Evropë.
Prandaj, i ka ra në mend ideja që t'i punësojë 120 asistentë të deputetëve.
Duke dashur të luftojë varfërinë në mënyrë falls, po krijon elita qesharake, tash secili deputet e ka një asistent për t'ia mirëmbajtur karikaturën.
- Nuk zhduket varfëria duke fabrikuar VIP-a.
13. Presidentja Osmani u ankua sot se Amerika dhe Evropa po e përkëdhelin Serbinë, anipse (tha) Serbia është me Rusinë.
- Politikë e thellë kjo.
14. Avdullah Hoti nuk bën për kryetar të LDK-së.
Si kryeministër inicoi i hartimin e Rregullores për mbylljen e gojëve të zyrtarëve që kritilojnë qeverinē dhe që e raportojnë korrupsionin (që jemi të obliguar me ligj ta raportojmë)
Albin Kurti (sikurse Hashim Thaçi, Isa Mustafa dhe Ramush Haradinaj) nuk e ka luftuar fjalën e lirë dhe kritikën për qeverinë e tij.
Edhe 'paramilitarët' e tij tashmë janë qetësuar.
Nëse i jep pushtet Avdullah Hotit, e sheh ti çka është stalinizmi.
P.S. Për secilin shkrim, them: hajt veç eshe ky, le të jetë i fundit...!
