Kryetarja e komisionit për politikën e jashtme të Britanisë së Madhe, Alicia Kearns për mes një reagimi në llogarinë e saj në Twitter ka reaguar në lidhje me deklaratën e tenistit serb Novak Gjokoviq, i cili u shpreh se Kosova është zemra e Serbisë.
Deklaratë e cila erdhi pas nisjes së tensioneve në veri të Kosovës.
Kearns shkruan se sjellja dhe komentet e Djokovic janë të dënueshme.
“Sjellja dhe komentet e Gjokoviqit janë të dënueshme. “Kosova është zemra e Serbisë! Stop dhunës”. Ky slogan i ka rrënjët në mitologjinë nacionaliste serbe dhe slogane të ngjashme janë përdorur për të justifikuar spastrimin etnik të viteve 1990”, ka shkruar Kearns.
Kjo deklaratë nuk ka qenë hera e parë që serbi përdor sportin për të dhënë mesazhe politike kundër Kosovës.
