Zyrtari i Aleancës për Ardhmërinë e Kosovës ka komentuar planin pesë pikësh të kryeministrit Albin Kurti për deeskalimin e situatës në veriun e Kosovës.
Anëtari i Kryesisë së këtij subjekti politik, Muharrem Nitaj ka thënë se realisht aty pati vetëm dy pika e jo pesë siç i prezantoi Kurti në konferencë për media.
"Duke e përpjekur për ta deshifruar planin pesëpikësh te Kryeministrit, i cili në fakt i kishte vetëm dy pika: zgjedhjet e parakohshme në veri dhe një takim i nivelit të lartë në Bruksel, brenda javës.
Këto tri tjerat ëer funksionimin e rendit dhe ligjit, largimin e bandave, identifikimin dhe ndëshkimin e sulmuesve, për çdo njeri normal janë të vetkuptueshme!
Kur dikur ka qenë e mundur të behej një hap para, tash i bjen një hap para e dy mbrapa"-ka shkruar Nitaj.
