Komisioni Qendror i Zgjedhjeve ka rishpallur konkursin për kompozimin e melodisë së institucionit.
Lajmi bëhet i ditur në ueb faqen e KQZ-së dhe sipas të dhënave të publikuara, melodia e KQZ-së do të jetë e përhershme, identifikuese e institucionit dhe informatat të cilat do të transmetohen dhe publikohen në audio apo video, do të shoqërohen me këtë melodi.
Sipas KQZ-së, kjo melodi, duhet të ketë një ritëm dhe tingull unik dhe origjinal, që tregonin domethënien dhe misionin e KQZ-së. Po ashtu, kompozimi nuk duhet të jetë i ngjashëm me ndonjë melodi apo këngë të cilitdo vend, parti politike apo institucion tjetër të Republikës së Kosovës.
Të gjitha detajet për konkursin, i cili do të jetë i hapur deri më 21 gusht 2023, janë publikuar në ueb faqen e KQZ-së, www.kqz-ks.org (Njoftime > Mundësi punësimi > Konkurset e hapura) apo në vegzën direkte: https://kqz-ks.org/konkurset-e-hapura/
