Deputetja e LDK-së, Valentina Bunjaku – Rexhepi i ka dalë në mbrojtje gazetarit të Radiotelevizonit të Kosovës, Asdren Agushi i cili u suspendua nga puna në RTK siç shprehet ai veç pse ishte kritik ndaj pushtetit.
Bunjaku-Rexhepi ka thënë se “mendësia e tillë e kësaj qasje totalitare,përjashtuese dhe etiketuese madje edhe si tradhtar nëse nuk flet,mendon apo vepron si pushteti e bën Kosovën vend ku qytetarët e saj po rrëshqasin drejtë një shteti primitiv.”
Ky është postimi i plotë:
Suspendimi nga RTK i gazetarit gjilanas Asdren Agushi, vetëm se kritikon pushtetin është atak tjetër i qeverisë Kurti mbi mediat,mbi fjalën e lirë.
Mendësia e tillë e kësaj qasje totalitare,përjashtuese dhe etiketuese madje edhe si tradhtar nëse nuk flet,mendon apo vepron si pushteti e bën Kosovën vend ku qytetarët e saj po rrëshqasin drejtë një shteti primitiv.
Asdren,vazhdo me rrugë ligjore,vazhdo me fjalën e lirë.
Nuk je vetëm!.