Analisti amerikan i politikës së jashtme Edward Joseph kas reaguar ashpër ndaj siç thotë ai mbështetjes dhe butësisë që po tregohet ndaj presidentit serb Aleksandar Vuçiq nga ndërkombëtarët.
Sipas tij, dhënia e asociacionit për serbët e Kosovës, pa avancimin e njohjes së Kosovës nga serbët dhe nga aleanca e plotë e NATO-s, është një propozim zor i arritur.
“Zyrtarët amerikanë mbështesin autonominë serbe si gur të shenjtë për mbylljen e çështjes së Kosovës. Në realitet, dhënia e asociacionit për serbët e Kosovës, pa avancimin e njohjes së Kosovës nga serbët dhe nga aleanca e plotë e NATO-s, është një propozim pothuajse i paarritshëm”, ka shkruar analisti në Twitter.
“Blinken needs to decide if regional disorder & the damage to US credibility are worth the headlong embrace of a Serbian autocrat” & “must re-center democratic values as the core of US policy.” My latest in @ForeignPolicy. #Kosovo #Serbia #Balkans https://t.co/IeHmuwAGCR
— Edward P. Joseph (@edwardpjoseph) June 13, 2023
Reagimi i tij vjen pas një teksti të publikuar në Foreignpolicy, ku thuhet se Amerika po krijon kriza në Kosovë.
“Nëse dikush mund ta kuptojë përplasjen e shëmtuar dhe të panevojshme mes Shteteve të Bashkuara dhe Kosovës, ai është Volodymyr Zelensky. Kërkojini presidentit ukrainas t’u japë rusëve etnikë autonomi dhe Zelensky do të bëjë menjëherë tre pyetje: A do të pranojnë rusishtfolësit që të jetojnë në Ukrainë, jo në Rusi? A do ta njohë Rusia sovranitetin dhe integritetin territorial të Ukrainës? Dhe a do të na lejojë përfundimisht dhënia e autonomisë të anëtarësohemi në NATO?”, thuhet në hyrjen e këtij teksti.
