Ambasadori i ri i Qipros në Serbi, Andreas Fotiou, ka thënë se shteti i tij vazhdon të mbajë qëndrimin për mos njohjen e pavarësisë së Republikës së Kosovës.
Këta e ka thënë ai në një takim me kryetarin e Kuvendit të Serbisë, Vladimir Orliq.
Orliq ka falënderuar Qipron “për respektimin e integritetit territorial dhe sovranitetit të Serbisë” dhe për qëndrimin që Qipro ka mbajtur në aplikimin e Kosovës për anëtarësim në Këshillin e Evropës.
Fotiou njoftoi se do të punojë në “forcimin e lidhjeve dhe bashkëpunimit, veçanërisht në promovimin e Serbisë tek investitorët qipriotë dhe forcimin e lidhjeve ndërmjet dy parlamenteve“.
