Një incident zjarri ka ndodhur sot në orët e pasdites në Lipjan.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti.
Ajo, ka treguar se nga zjarri janë përfshirë dy objekte ( një me ushqim për kafshë dhe një me pajisje bujqësore) si dhe dy serra.
“Sot rreth orës 19:00, kemi pranuar informatën për një incident zjarri në Lipjan. Bazuar në të dhënat e deritanishme, nga zjarri janë përfshitë dy objekte ( një me ushqim për kafshë dhe një me pajisje bujqësore) si dhe dy serra”, ka thënë Ahmeti.
Sipas saj, në vendngjarje janë zjarrfikësit dhe policia të cilët po merren me rastin.
“Për shkak të tymit, tretman mjekësor ka pranuar një zjarrfikës. Aktualisht ekipet e zjarrfikësve po vazhdojnë punën për lokalizimin e zjarrit”, ka shtuar ajo.
