Zyra për Kosovën në Qeverinë e Serbisë ka thënë se presidenti serb, Aleksandar Vuçiq do t’i drejtohet kombit përmes një fjalimi.
Një konferencë e jashtëzakonshme – e planifikuar për orën 14:00 nga shefi i kësaj Zyre, Petar Petkoviq – është anuluar.
“Presidenti i Serbisë, Aleksandar Vuçiq, do t’i ekspozojë të gjitha gënjeshtrat dhe shakatë e Albin Kurtit, krijuesit të kaosit dhe ferrit në Kosovë e Metohi”, ka thënë Zyra për Kosovën në Qeverinë e Serbisë.
Kryeministri i Kosovës, Albin Kurti e ka dënuar vrasjen e një zyrtari policor të dielën në Banjskë të Zveçanit.
Ai ka thënë se sulmi ka qenë terrorist dhe për të e ka mbajtur fajtore Serbinë./REL
