Ambasada e Italisë në Kosovë u është bashkuar asaj të ShBA’së dhe Zyrës së BE’së për të nderuar policin Afrim Bunjaku, i cili u vra dje në një sulm terrorist në veri të vendit.
Kjo ambasadë ka njoftuar se ka ulur flamurin Italian dhe atë të BE’së në gjysmë-shtizë.
“Iu bashkohemi institucioneve të Kosovës në zi për Rreshterin e Policisë së Kosovës, Afrim Bunjaku, i cili u vra dje në një sulm terrorist frikacak. Në Ambasadën tonë, flamujt e Italisë dhe Bashkimi Evropian janë ulur në gjysmë-shtizë. Mendimet tona janë me familjen e tij, kolegët, të dashurit dhe të gjithë popullin e Kosovës”, thuhet në postimin e ambasadës në platformën “X”.
We join Kosovo institution in mourning @Kosovo_Police Sergeant Afrim Bunjaku, who was killed yesterday in a cowardly terrorist attack. At our Embassy, 🇮🇹 & 🇪🇺 flags are lowered to half-mast. Our thoughts are with his family, colleagues, loved ones and with all people of #Kosovo pic.twitter.com/psP5f90F2A
— Italy in Kosovo (@ItalyinKosovo) September 25, 2023
Ndryshe, Presidentja Vjosa Osmani e ka shpallur ditën e sotme si ditë zie në nderim të policit Bunjaku.
