Komandanti i KFOR-it, Angelo Michele Ristuccia, sot ka shkuar në Zagreb të Kroacisë për të folur për ngjarjet e fundit dhe situatën e sigurisë në Kosovë.
Ai ishte i ftuar si folës në Iniciativën e 11-të për Bashkëpunim Mbrojtës (DECI) me pjesëmarrjen e shefit të mbrojtjes së Shqipërisë, Austrisë, Kroacisë, Hungarisë, Italisë, Malit të Zi, Sllovenisë dhe Maqedonisë së Veriut.
Siç njofton KFOR në X, Ristuccia informoi “të pranishmit për situatën e sigurisë në Kosovë dhe rajonin e Ballkanit, si dhe dha një pasqyrë të situatës aktuale pas ngjarjeve të fundit në pjesën veriore të Kosovës më 24 shtator”.
COMKFOR briefed the audience on the security situation in Kosovo and the Balkan region, and gave an insight on the current situation after the recent events in the northern part of Kosovo on 24th of September. pic.twitter.com/JpwqZ67rmI
— NATO Kosovo Force - KFOR (@NATO_KFOR) October 5, 2023
DECI është një nismë politiko-ushtarake e udhëhequr nga Italia për të promovuar një projekt që synon të rrisë shkallën e bashkëpunimit midis vendeve në afërsi të detit Adriatik me qëllim që të nxisë përcaktimin e një politike të përbashkët ushtarake për sigurinë dhe mbrojtjen.
