Bashkëpunimi i policisë së Kosovës me atë të Zvicrës ka sjellë konfiskimin e një veture në vlerë prej 100 mijë eurosh.
Bëhet fjalë për Mercedes Benz, S Class e cila ishte në kërkim nga autoritetet zvicerane.
Rasti ka ndodhur në Mitrovicë të Veriut.
“Tashmë rasti është duke u trajtuar konform procedurave ligjore nga njësitë përkatëse policore.
Policia e Kosovës përmes Drejtorisë për Bashkëpunim Ndërkombëtar Policor (ILECU) ka një bashkëpunim të shkëlqyer me institucionet ndërkombëtare të zbatimit të ligjit si dhe ky bashkëpunim do të vazhdoj në frymën e besimit dhe bashkëpunimit edhe në të ardhmen”, thuhet në njoftimin e policisë.
