Ishte ditë e diele. Në orët e para të 24 shtatorit rreth orës 02:43 minuta, vendi u trondit nga një sulm i një grupi terrorist në fshatin Banjskë të Zveçanit, ku si pasojë mbeti i vrarë rreshteri i Policisë së Kosovës, Afrim Bunjaku, kurse zyrtari policor Alban Rashiti u plagos dhe një tjetër u lëndua.
Ekspertët e sigurisë thonë se një sulm i tillë ka gjasa të përsëritet prapë.
I këtij mendimi është Drizan Shala.
“Potenciali mbetet i lartë që 24 shtatori 2023 të na paraqitet por jo në këtë periudhë aktuale, por në një kohe dhe momentum tjeter me i përshtateshm që mund ta konsideron Serbia”, u shpreh ai.
Shala siguroi për një gjë.
“Në rast se nuk do kemi zgjedhje opcionale atëherë gjërat nga faktoret e brendshëm që determinojnë procesin mund të nxisin reagim ku pastaj do kemi kundërreaksion nga autoriteti vendor”, theksoi Shala.
Edhe pse kanë kaluar një muaj nga sulmi i Banjskës, akoma s`janë vendosur sanksione ndaj Serbisë.
Politologu Arbnor Sadiku thotë se Kosova duhet ta bind BE-në në këtë drejtim.
“Duhet kemi hapa me të koordinuar nga diplomacia kosovare me kreret Unionit Evropian dhe SHBA-së, që të bindim bashksinë ndërkombëtare për ndërrmarrjen e masave ndaj BE-së, pra, Kosova perveq prishjes se raporteve bilaterale meshtetet e saja mike, nuk ka raporte pozitive as me SHBA-në dhe BEnë”, u shpreh Sadiku.
“Kjo ka ndikuar që mos te mirret parasysh faktet e paraqitura nga Republika e Kosovës për sulmin e banjskes nga terroristet serb, me mbeshtejen e Serbisë dhe Rusisë”, theksoi tutje ai.
I dërguari i posaçëm i Bashkimit Evropian në Ballkan, Mirosllav Lajçak dhe komisioneri i politikës së jashtme të BE-së Josep Borrell e dënuan sulmin. Të dy deklaruan se autorët duhet të përballen me pasoja ligjore.
Sekretari amerikan i Shtetit Antony Blinken dënoi ashpër sulmin ndaj Policisë së Kosovës dhe i bëri thirrje Kosovës dhe Serbisë “të përmbahen nga çdo veprim apo retorikë që mund të nxisë më tej tensionet”.
