Natyra Kuçi nga PSD-ja, ka thënë se ministri i Punëve të Brendshme, Xhelal Sveçla, me qëllim nuk ka treguar që shuma mbi 2.000 euro për policët e NJSI-së që protestuan sot, ka qenë për situatë të jashtëzakonshme.
Ajo përmes një postimi në Facebook ka shkruar se pjesëtarët e këtij njësiti kanë punuar për javë të tëra pa shkuar nëpër shtëpitë e tyre.
Derisa ka paraqitur përmes një fotografie një vërtetim pune për një nga policët e Njësisë Speciale, shihet që paga e tij është 631.89 euro, i punësuar në Polici nga viti 2015.
“Xhelali me qëllim i përmendi pagat e policëve që protestuan, qysh me qëllim edhe nuk sqaron që shuma mbi 2000 euro ka qenë për situatën e jashtëzakonshme, kur kanë punuar pa shku në shpi me ditë e javë. Shikojeni një kontrate pune për me e pa që Xhelal Sveçla gënjeu edhe këtu, vetëm që policia të linçohet e turpërohet publikisht”, ka shkruar ajo.
