Zëvendësshefja e Zyrës së BE-së në Prishtinë, Eva Palatova, përgjatë një Forumi të mbajtur në Selanik e të organizuar nga UNMIK-u, ka folur për qasjen e BE-së ndaj rajonit të Ballkanit Perëndimor dhe për procesin e dialogut ne mes të Kosovës dhe Serbisë.
Palatova ka thënë se BE-ja është një projekt i vërtetë i paqes, që së fundmi e ka ripërtërirë angazhimin drejt vendeve të Ballkanit Perëndimor.
Ajo ka thënë se një qasje e tillë e BE-së, vjen bashkë me pritjen që Kosova të zbatojë Marrëveshjen për Rrugën Drejt Normalizimit dhe përkthimin në praktikë të kornizës së saj ligjore për mbrojtjen e të drejtave të komuniteteve jo-shumicë.
“Për Kosovën, kjo vjen me pritjen për të zbatuar Marrëveshjen për Rrugën drejt Normalizimit dhe përkthimin në praktikë të kornizës së saj ligjore për mbrojtjen e të drejtave të komuniteteve jo-shumicë”, ka thënë Palatova.
Ky qëndrim i saj është shpërndarë edhe nga faqja zyrtarë e Zyrës së BE-së në Prishtinë në platformën “X”.
"The EU, a true peace project, has recently renewed its commitment towards WB6," said Eva Palatova, Deputy Head of the EU Office in Kosovo, speaking yesterday at the🇺🇳UN Kosovo #Trustbuilding Forum in Thessaloniki about the EU’s support for a multi-ethnic society in #Kosovo. pic.twitter.com/SaktLiMmbq
— UNMIK (UN Mission in Kosovo) (@UNMIKosovo) November 22, 2023
