Osmani takoi Hovenier: Bashkëpunimi me SHBA fuqizon Kosovën në arenën ndërkombëtare.
Presidentja e Kosovës, Vjosa Osmani priti sot në takim ambasadorin e Shteteve të Bashkuara të Amerikës në Prishtinë, Jeffrey Hovenier me të cilin bisedoi për zhvillimet e fundit në vend e rajon.
Në njoftimin e Presidencës thuhet se ky ishte një takim i rregullt i Osmanit me diplomatin amerikan dhe se aty u bisedua edhe mbi procesin e dialogut dhe situatën e sigurisë në vend.
Osmani nënvizoi edhe njëherë rëndësinë e bashkëpunimit të ngushtë me SHBA-të për të fuqizuar prezencën e Kosovës në arenën ndërkombëtare.
