Familja e veprimtari të vrarë të LDK-së, Haki Imerit, kanë reaguar pas vendimit për ndalimin e vizitave dhe telefonave për ish-krerët e UÇK-së në Hagë.
Përmes një shkrimi në Facebook, Familja Imeri shkruan se po e dëshmon ‘kreu i ndërmarrjes së përbashkët kriminale’ që po jetësohen direktivat e tij për shantazhe dhe kërcënime e kanosje të dëshmitarëve.
Kjo familje tutje shkruan se nuk do të kalojë lehtë fushata e rreme ndaj prokurorëve amerikanë të Gjykatës Speciale, duke shtuar se të gjeturat e prokurorisë janë prova dhe dëshmojnë se ata nuk do të lirohen që të mbrohen në liri.
Postimi i plotë:
-Të pandehurit që gjenden në paraburgim në Hagë, paskan dëshmuar se fushata ndaj dëshmitarëve është agjendë, projeket i tyre i përditshëm.
-Kreu i ndërmarrjes së përbashkët kriminale po e vërteton edhe brenda mureve të burgjeve të Hagës që shantazhet, kërcënimet, kanosjet ndaj dëshmitarëve po jetësohen me direktivat e tij.
-Fushata e rreme e bërë ndaj prokurorëve amerikanë të Gjykatës Speciale dhe ndaj dëshmitarëve nuk do të kalojë lehtë këtë duhet ta dinë të gjithë ata që e kanë inicuar dhe demonstruar për dy vite, këtë fushatë.
-Të gjeturat e prokurorisë janë prova dhe dëshmojnë se ata nuk do të lirohen të mbrohen në liri në asnjë rrethanë.
-Provone pafajësinë pa e penguar drejtësinë se tjetër shance nuk keni.
