Analisti shqiptar nga Amerika, Bleron Baraliu ka reaguar pas vrasjes së Liridona Murselit.
Ai përmes një postimi në Facebook tha se një person që planifikon vrasjen e gruas së tij nuk mertion vetëm dënim me burg.
Baraliu kërkoi aplikimin e dënimit me vdekjen, ndonëse kërkoi që të pritet edhe konfirmimi i fajësisë, transmeton “Bota sot”.
Postimi i plotë
Mënyra më e thjeshtë me luftu krimin e paskrupullt është me e apliku dënimin me vdekje. Një person që bën plan për të vrarë gruan e tij, nënë të dy fëmijëve, nuk meriton dënim me burg. Kaq e thjeshtë.
Megjithatë, prezumimi i pafajësisë është standard thelbësor që duhet ruajtur në çdo rrethanë. Pra, gjithnjë duhet të presim konfirmimin e fajësisë, barra për të cilin konfirmim bie mbi prokurorinë, jo anasjelltas.