Presidentja e vendit, Vjosa Osmani ka takuar John Kerry, të Dërguarin e Posaçëm Presidencial i Shteteve të Bashkuara për çështje klimatike dhe ish Sekretar i Shtetit.
Osmani këtë e bëri të ditur përmes platformës X, ku ndër të tjera shkruan se me Kerryn kanë biseduar për situatën e sigurisë në Kosovë.
“Takova ish-sekretarin Kerryn dhe e informova atë për zhvillimet më të fundit të sigurisë në Kosovë, duke theksuar rëndësinë e lidershipit të ShBA-së, për paqen dhe stabilitetin e qëndrueshëm.
Lavdëruam udhëheqjen e tij për klimën dhe shprehëm gatishmërinë tonë për të punuar së bashku për të trajtuar sfidat e përbashkëta”, ka shkruar Osmani.
