Ministri serb i Mbrojtjes, Millosh Vuçeviq ka thënë se Serbia nuk pret së shpejti zgjedhje të reja në katër komunat veriore të banuara me shumicë serbe të Kosovës dhe as formim të Asociacionit.
Vuçeviq i ra propagandës – tash edhe më të madhe në funskion të fushatës elektorale për zgjedhjet parlamentare serbe të 17 dhjetorit – se “do të vazhdojë spastrimi etnik i serbëve” nga Kosova.
“Ne pamë se cila është e keqja më e vogël për serbët. Dhe, për neve, e keqja më e madhe është që kryetarët shqiptarë të mbesin. Nuk ka fort zgjidhje atje dhe ju s’duhet të jeni hipokritë e të thoni – i njihni ligjet e Albin Kurtit.
Njerëzit duhet të mbijetojnë atje. Neve na duhet të zgjedhim të keqen më të vogël. Nuk ka zgjidhje të mira”, ka thënë Vuçeviq.
