Nisen për në Vjenë 50 qytetarë që fituan udhëtimin nga Qeveria, Kurti:Po hiqet një padrejtësi e po fitohet një e drejtë e rëndësishme

Kryeministri i Kosovës, Albin Kurti dhe zëvendëskryeministrja Donika Gërvalla kanë mbajtur një konferencë për media në Aeroportin Ndërkombëtar të Prishtinës “Adem Jashari”, në ditën e parë të hyrjes në fuqi të liberalizimit të vizave për vendin tonë.

Me këtë rast Kurti tha se nga sot po hiqet një padrejtësi e madhe, e po fitohet një e drejtë e rëndësishme. Teksa shtoi po ashtu se është forcuar pasaporta e Kosovës.

Ai theksoi se sot do të udhëtojnë për në Vjenë 50 qytetarë, të cilët e kanë fituar këtë mundësi në kuadër të fushatës së Qeverisë.

Kurti: Po hiqet një padrejtësi e madhe, e po fitohet një e drejtë e rëndësishme

"Kjo ditë është një ditë e rëndësishme, po hiqet një padrejtësi e madhe, e po fitohet një e drejtë e rëndësishme, e drejta e udhëtimit pa viza në Zonën Schengen. E bashkë me të po forcohet edhe pasaporta e Republikës së Kosovës, më të cilën qytetaret tanë do të mund të udhëtojnë pa viza në 32 vende më shumë. Forcimi i dokumenteve tona të udhëtimit krahas përfitimeve të përditshme është forcim i dinjitetit tonë si shtet në arenën ndërkombëtare. Për të shënuar këtë arritje të rëndësishme sot do të udhëtojnë për në Vjenë, 50-të qytetarë të cilët fituan këtë mundësi në kuadër të fushatës tonë informuese. Këtë të drejtë të fituar me vështirësi duhet ta gëzojmë me përgjegjësi, të respektojmë kërkesat e kriteret, sepse kështu vlerësojmë dhe lartësojmë shtetit tonë. Kudo që të udhëtojmë të kujtojmë e kurrë mos të harrojmë që shtëpia jonë është Kosova jonë e dashur", tha Kurti.

Po ashtu, ministrja e Punëve të Jashtme dhe Diasporës, Donika Gërvalla shtoi se liberalizmin e vizave do të shfrytëzojnë të gjitha bizneset për investime si dhe studentët dhe familjarët për vizita të ndryshme.

Gërvalla: Nuk ka më burokraci të panevojshme

"Sot vërtet është një ditë e mirë, e gëzuar sepse secili prej nesh e din se sa kohë kemi humbur në pritje të gjata para ambasadave. Sa kohë është humbur edhe në mërgatë duke siguruar ftesa, fletëgarancione dhe burokraci të tjera. E dini mirë se sa para janë shpenzuar pa nevojë për viza dhe procedura. E dini se sa jo dinjitoze kanë qenë pritjet në rruge, në shi, në borë dhe në diell. Ato kanë marr fund me ditën e sotme. Pra nuk ka më burokraci të panevojshme, por do të ketë mundësi në shtete e zonës Schengen të vizitoni familjarët tuaj, jo vetëm vizita private, por edhe bizneset do të kenë mundësi të zgjerojnë fushën e tyre të aktivitetit , të sjellin investime më të mira dhe më të qëndrueshme, studentët dhe të rinjtë do të kenë mundësi, jo vetëm te eksplorojnë mundësi të reja për studime dhe për kualifikim por të shijojnë artin, kulturën, sportin dhe të tjerat", tha Gërvalla Schvar.

Mëngjesin e sotëm të vitit 2024, qeveria e Kosovës ka organizuar udhëtimin e pare pa viza për 50-të fituesit qe fituan udhëtimin për në Vjenë të Austrisë. Kuiz ky i cili u organizua nga qeveria e Kosovës për Bashkimin Evropian në kuadër të një fushate informuese të autoriteteve për liberalizimin e vizave për Kosovën.

Liberalizimi i vizave u mundëson qytetarëve të Kosovës, që kanë pasaporta biometrike, të qëndrojnë deri në 90 ditë – brenda gjashtë muajsh – në cilindo nga 27 shtetet anëtare të zonës Schengen. 

Ministrja e Punëve të Jashtme të Kosovës, Donika Gërvalla, ka uruar të gjithë qytetarët e Kosovës për liberalizimin e vizave, hap ky që ka hy në fuqi sot.

Ajo ka qenë në aeroporin “Adem Jashari”, prej ku ka përcjellë 50 qytetarët që kanë shkuar në Vjen, të cilët e kanë fituar udhëtimin e parë pa viza nga kuizi i BE-së.

“Në një ditë si e stomja, më takon të falëndroj të gjithë ata që kanë kontribuuar për liberalizimin e vizave.

Të mos harrojmë që qytetari është ai kontribuuesi kyresor për këtë hap që fillon sot, sepse për ta nxjerr vendin nga moqali i krimit e korrpsionit, solli liberalizimin e vizave”, tha kryediplomatja Gërvalla.

Nisen për në Vjenë 50 qytetarë që fituan udhëtimin nga Qeveria, Kurti thotë se sot u hoq një padrejtësi

Kryeministri i vendit, Albin Kurti nga Aeroporti Ndërkombëtar i Prishtinës “Adem Jashari”, ka uruar sërish qytetarët e Kosovës për heqjen e vizave.

Para mediave, Kurti tha se sot do të udhëtojnë për në Vjenë 50 qytetarë, të cilët e kanë fituar këtë mundësi në kuadër të fushatës së Qeverisë.

“Kemi pritur shumë gjatë, nga sot po hiqet një padrejtësi. Qytetarët tanë tashmë do të mund të lëvizin në 32 vende.  Sot do të udhëtojnë për në Vjenë 50 qytetarë të cilët kanë fituar këtë mundësi në kuadër të fushatës tonë. Të respektojnë kriteret, dhe kudo që të udhëtojmë mos të harrojmë se shtëpia jonë është Kosova. Urime viti i ri dhe për herë të fundit urime liberalizimi i vizave”, tha Kurti.

Kujtojmë se Komisioni Evropian ka vlerësuar që nga korriku i vitit 2018, se Kosova i ka përmbushur të gjitha standardet e Udhërrëfyesit për Liberalizimin e Vizave. Por, për shkaqe politike dhe reflektime të brendshme, vendimi ishte shtyrë.

Vendimi për liberalizimin e vizave për Kosovën u botua të martën e 25 prillit në Gazetën Zyrtare të Bashkimit Evropian. Me këtë veprim u përmbyll edhe formalisht i gjithë procesi i liberalizimit të vizave për qytetarët e Kosovës. Vendimi pritej të hyjë në fuqi më 1 janar të vitit 2024, për të  gjithë qytetarët e Kosovës që posedojnë pasaporta biometrike të lëshuara nga shteti i Kosovës.

Komisioni Evropian në vendimin për liberalizim kishte sqaruar se bartësit e pasaportave të Kosovës nuk do të mund të udhëtojnë në Spanjë, vend që nuk e njeh as pavarësinë e Kosovës, as pasaportat e saj.

Shtetet që përfshihen në vendimin për liberalizimin e vizave për kosovarët janë: Austria, Belgjika, Bullgaria, Kroacia, Qipro, Republika Çeke, Danimarka, Estonia, Finlanda, Franca, Gjermania, Greqia, Hungaria, Italia, Letonia, Lituania, Luksemburgu, Malta, Holanda, Polonia, Portugalia, Rumania, Sllovakia, Sllovenia, Suedia, Zvicra, Norvegjia, Lihtensteini dhe Islanda.

Nga mesnata, qytetarët e Kosovës kanë të drejtë të udhëtojnë pa viza në vendet e zonës Shengen.

Fluturimi i parë do të jetë sot, 1 janar, në orën 8:00 të mëngjesit.

Derisa një fluturim tjetër i veçantë të hënën do të jetë me fillim nga ora 10:30.

Kjo pasi Qeveria e Kosovës, në kuadër të fushatës informuese për liberalizimin, e ka organizuar udhëtimin e parë pa viza për fituesit me fat nga kuizi i BE-së.

Me këtë rast, kryeministri Albin Kurti dhe ministrja e Punëve të Jashtme dhe Diasporës, Donika Gërvalla-Schwarz, do të urojnë dhe përshëndesin qytetarët e parë që do të udhëtojnë pa viza, dhe do të mbajnë konferencë për media.

Konferenca mbahet me datën 1 janar 2024 në Aeroportin “Adem Jashari” në Terminalin kryesor në ora 10:00.

Për çka shërbejnë udhëtimet pa viza?

Udhëtimet pa viza duhet të shërbejnë kryesisht për vizita turistike apo familjare dhe assesi për qëllime punësimi.

Rregullat për lëvizje të lirë përcaktojnë qartë se në rast të shkeljes së tyre, ka gjobë financiare dhe ndalim të hyrjes në Schengen deri në pesë vjet.

Abuzime janë qëndrimi më shumë se 90 ditë brenda gjashtë muajsh në Schengen, punësimi pa leje, përfshirja në veprimtari kriminale e të tjera.

Udhëtimet pa viza mund të realizohen edhe për takime biznesi apo programe studimesh, por periudha e qëndrimit në zonën Schengen nuk duhet t’i kalojë 90 ditë brenda gjashtë muajsh.

Çfarë duhet të dini para udhëtimit pa viza?

Integrimi Evropian i Kosovës ka treguar se cilat janë dokumentet të cilat nevojiten për të lëvizur lirshëm në zonën Shengen.

Pasaportë biometrike, dëshmi mbi qëndrimin si rezervimi i hotelit, detajet e udhëtimit (dokumenti i biletës), dokumentet e veturës (nëse udhëtoni me veturë) dhe dëshmi për mjetet financiare. Këto janë pesë dokumentet që ju nevojitën.

Po ashtu, ju duhet të paraqitni edhe informata të sakta mbi vendin dhe qëllimin e udhëtimit.