Ish-ministri i Jashtëm i Kosovës, Enver Hoxhaj, i është gëzuar lajmit të heqjes së vizave për qytetarët e Kosovës nga Emiratet e Bashkuara Arabe.
Hoxhaj e ka quajtur “lëvizje historike”.
Sipas tij, Emiratet janë ‘aleati më i vjetër i Kosovës”.
“Lajme emocionuese pasi Kosova dhe Emiratet e Bashkuara Arabe bien dakord të heqin kërkesat për viza, duke nxitur lidhje më të forta dhe duke hapur dyer të reja për njerëzit dhe bizneset. Kjo lëvizje historike pasqyron miqësinë e rrënjosur thellë, pasi Emiratet e Bashkuara Arabe janë aleati më i vjetër dhe më i afërt i Kosovës në Lindjen e Mesme për dekada.”, ka shkruar Hoxhaj në rrjetin social X.
