Avokati i akuzuarit për terrorizëm, Millun Millunkoviq i njohur si “Llune”, ka propozuar zëvendësimin e masës së paraburgimit me arrest shtëpiak, duke ofruar një shumë prej 30 mijë euro.
Avokati i tij ka theksuar se ky veprim ndikohet nga mungesa e provave për arratisje.
“Masa e paraburgimit kërkoj që të ndryshohet me masën e dorëzanisë në arrestin shtëpiak Ne propozojmë shumën prej 30 mijë euro që i pandehuri të mbrohet në arrestin shtëpiak”, ka deklaruar avokati i tij.
“Milani nuk do të arratiset. Duke marrë parasysh që aktakuza është ngritur, nuk kemi me sigurim të provave, me ketë nuk ekziston mundësia e arratisjes”, ka thënë tutje mbrojtësi i tij.
Ndërsa, gjyqtari i kërkon avokatit të drejtohet me shkrim gjykatës për kërkesën, ndërsa masa e dorëzanisë mbetet në shqyrtim.
“E pata durimin ta dëgjojë këtë kërkesë sepse gjykates duhet t’i drejtohesh me shkrim”, ka deklaruar gjykatësi.
