Policia jep detaje rreth rënies së çatisë së komunës në Prishtinë
Erërat e forta kanë bërë që pullazi i ndërtesës së Komunës së re të Prishtinës, të bie në tokë.
Zyrtari për Informim i Policisë, Agron Borovci, ka bërë të ditur se një vajzë ka mbetur e lënduar si pasojë e incidentit.
“Rreth orës 13:00, është raportuar se në rrugën ‘Nora e Hotit’ në Prishtinë, një person ka marrë lëndime si pasojë e goditjes nga materiale që janë shkëputur nga çatia e një objekti.
Policia menjëherë ka dalë në vendin e ngjarjes dhe mbështetur në informacionet e para është raportuar për një person të lënduar, femër, e cila është dërguar në QKUK për trajtimin e nevojshëm mjekësor”, ka thënë Borovci.
Aktualisht policia ka nisur punën për zbardhjen e plotë të të gjitha rrethanave që karakterizojnë ngjarjen.
Kjo është gjendja e të lënduarës nga rënia e kulmit të komunës së Prishtinës
Një person është lënduar si pasojë e rënies së çatisë së objektit të ri të Komunës së Prishtinës dhe e njëjta është dërguar në Emergjencën e Qendrës Klinike Universitare të Kosovës për tretman mjekësor.
Për gjendjen e saj shëndetësore ka folur, Avdyl Pacolli, shefi i Urgjencës së Prishtinës
“Flitet për një paciente të gjinisë femrore e cila e ka pësu një politraumë më lëndime të shumfishta, nëdërkohë është në parametrat vital për jetën”, ka thënë Pacolli.
“Ekipet e qendrës së mjekësëisë urgjente kanë dalë në vendin e ngjarjes pas thirrjes së qytetarëve edhe të policisë”.
“Më pas atë e kanë dëgu në Qendrën Emergjentë pranë SHSKUK-së”.
“E njëjta është duke marrë tremtan në qendrën emergjente dhe është duke iu nënshtar ekzamnineve klinike-diagnostike”, tha tutje Pacolli.
Një e vajzë e lënduar nga rënia e çatisë së objektit të Komunës së Prishtinës, dërgohet në Emergjencë
Një vajzë ka mbetur e lënduar pas rënies së çatisë së objektit të Komunës së Prishtinës në lagjen Arbëria.
Lajmin e ka konfirmuar Drejtori i Emergjencës, Naser Syla.
“Sapo është sjellë në Emergjencë”, ka thënë shkurtimisht Syla.
Era shkulë kulmin e objektit të ri të Komunës së Prishtinës
Pjesëtarë të Policisë së Kosovës, mjekë e zjarrfikës kanë arritur në vendin e ngjarjes ku para pak minutave ka rënë në tokë kulmi i ndërtesës së Komunës së re të Prishtinës.
Dyshohet për persona të lënduar rëndë, mirëpo zyrtarisht ende nuk është konfirmuar nga Policia e Kosovës.
--------------------
Si pasojë e erërave të forta, ka rënë kulmi i ndërtesës së Komunës së re në Prishtinë.
Objekti i ri i Komunës së Prishtinës, në Arbëri, ka mbetur pa pullazin e saj.
Ai është bartur nga erëra të forta, gjatë ditës së sotme.
Siç raportohet në vendin e ngjarjes kanë dalë edhe pjestarë të Policisë së Kosovës dhe dyshohet se mund të ketë edhe persona të lënduar.
