Avokati serb, Çedomir Stojkoviq, është ndaluar sot në kufirin Kosovë-Serbi.
Ndalimi i tij lidhet me vizitën që avokati e bëri dje në varrezat e familjes Jashari në Prekaz, ku edhe vendosi lule.
Këtë lajm e bëri publik, Faton Kurti, kryetari i Republikanëve të Kosovës.
Ai thotë se, Stojkoviq ashtu sikurse Sandullovit deklarohen për njohje të Kosovës dhe pajtim mes shqiptarëve e serbëve.
Postimi i plotë:
Çedomir Stojkoviq, Avokati i Nikola Sandulloviqit, i cili dje vendosi lulet tek varrezat e Jasharëve në Prekaz të Drenicës, është ndaluar sot në mëngjes duke e kaluar kufirin Kosovë - Serbi dhe ende po mbahet nga policia serbe!
Ndonëse si Stojkoviq ashtu dhe klienti i tij Republikani Nikolla Sandulloviq deklarohen për Njohje të Kosovës dhe pajtim mes shqiptarëve dhe serbëve, regjimi i Vuçiq po i burgos dhe torturon duke dëshmuar se është vetëm një radikal, apostull i radikalizmit të Millosheviqit.
FUNDI I DIKTATORËVE TË BALLKANIT PO VJEN.
