Ish-kryediplomatja e Kosovës, Meliza Haradinaj-Stublla, ka reaguar pasi deputetët e Listës Serbe shkuan në Kuvendin e Kosovës për të vazhduar mandatet e tyre.
Haradinaj ka thënë se kjo gjë është rezultat i mungesës së aktakuzës ndaj Millan Radojçiqit dhe financimit të Listës Serbe me 360 mijë euro.
Shkrimi i saj:
ORGANIZATA KRIMINALE ‘LISTA SERBE’ MBETET E PAPENGUAR LIGJËRISHT DHE E PASFIDUAR POLITIKISHT!
Mungesa e aktakuzës për (tani-ish) nënkryetarin e organizatës kriminale ‘Lista serbe’ Millan Radojçiq, dhe vazhdimi i financimit të shtetit të Kosovës me 360 mijë euro për këtë organizatë përmes së cilës Serbia planifikoi e ekzekutoi agresionin terrorist në Banjskë (ku mbet i vrarë rreshteri Afrim Bunjaku) - mundësoi që kjo organizatë kriminale të rikthehet në Kuvendin e Kosovës sot e papenguar ligjërisht dhe e pasfiduar politikisht!
