Në Mitrovicën e Veriut, gjatë së hënës u mbajt një protestë e thirrur nga qytetarët serbë.
Kjo formë u zgjodh nga ata për ta shprehur pakënaqësinë e tyre, rreth rregullores së re të Bankës Qendrore të Kosovës, e cila e njeh Euron si valutë të vetme për pagesa.
Me këtë rast, Gurakuç Kuçi, nga Instituti Octopus tha në Edicionin Special se në krye të kësaj proteste qëndroi Lista Serbe.
“Ne e dimë se nga Lista Serbe kanë dalur plot grupacione të cilat veprojnë në mënyrë ilegale, të shpallura terroriste. Nga Lista Serbe ka dalur edhe Radoiçiqi, i cili ishte në krye të sulmit në Banjskë. Dihet se qëllimi i kësaj proteste është pjesë e luftës hibride që ndodh në Kosovë, dhe të gjejnë sa më shumë mënyra që ta destabilizojnë gjendjen”, tha Kuçi.
