Raportet Kosovë-SHBA, reagon Instituti për Studime të Sigurisë: Këto deklarata janë shqetësuese!
Së fundi, ka pasur raportime dhe deklarata nga njerë public se marrëdhëniet Kosovë-SHBA janë dëmtuar.
Për këtë gjë, ka reaguar Instituti për Studime të Sigurisë përmes rrjetit social “Facebook.
Në reagim potencohet se presioni dhe diplomacia imponuese është gjë e zakonshme në marrëdhëniet ndërkombëtare.
“Të tilla deklarata nuk do duhej shprehur në opinion edhe po të kishte diqka të vërtetë në këtë drejtim. Ne konsiderojmë se gjithë kjo trysni e perëndimit kundrejt Kosovës nuk është gjë më shumë sesa një diplomaci imponuese, gjë që zakonisht konsiderohet normale në mardhëniet ndërkombëtare, e aq më tepër në kohën e zhvillimeve politike në arenën ndërkombëtare”, thuhet ndër tjera, përcjell “Bota sot”.
Reagimi i plotë
Instituti ynë konsideron shqetësuese deklaratat për dëmtim të mardhënieve Kosovë-Amerikë.!
Ditëve të fundit me të madhe mediat janë duke paraqitur deklarata të njerzëve me ndikim në shoqërinë kosovare për dëmtim apo rrezikim të prishjeve të raporteve Kosovë-Amerikë.
Të tilla deklarata nuk do duhej shprehur në opinion edhe po të kishte diqka të vërtetë në këtë drejtim. Ne konsiderojmë se gjithë kjo trysni e perëndimit kundrejt Kosovës nuk është gjë më shumë sesa një diplomaci imponuese, gjë që zakonisht konsiderohet normale në mardhëniet ndërkombëtare, e aq më tepër në kohën e zhvillimeve politike në arenën ndërkombëtare.
Ndryshe mund të shihen si propagandë me një kauzë që nuk duamë të besojmë se bëhet e qëllimshëme.!
Të flasësh kështu duke cënuar rëndë interesat e vendit (sikur të ishin palë e tretë mes betejës politike Kosovë-Serbi), nëse nuk ka qëllim është absurditet.!
Interes i Kosovës gjeopolitik e gjeostrategjik më të madh nuk ka sesa partnertiteti dhe rrugëtimi i përhershëm me mikun historik të saj, siç është SHBA, njëherit promovimi i tij.
E kundërta, është interes vetëm i Serbisë, rrjedhimisht i Rusisë.!
