Gazeta pak më parë raportoi për një ngjarje të rëndë që ka ndodhur sot në mesditë në fshatin Sllatinë të Vushtrrisë, ku një person ka mbetur i plagosur me armë zjarri.
Lidhur me rastin janë arrestuar dy persona, të cilët tashmë ndodhen në masën e ndalimit policor.
Të dyshuarit janë vëllezërit Bashkim dhe Isa Osmani, 37 dhe 45-vjeçar.
Vëllezërit Osmani janë shoqëruar në stacion policor, ku janë intervistuar nga organet e hetuesisë lidhur me rastin.
Burimet brenda Prokurorisë bëjnë me dije se i gjithë sherri ka ndodhur pas një konflikti për pronë, e që situata më pas eskaloi në përleshje fizike ku u përdor edhe arma e zjarrit.
Viktima, që është një 40-vjeçar, është dërguar me urgjencë në Emergjencën e Vushtrrisë, ku i është ofruar ndihma e parë mjekësore e më pas është transferuar në Qendrën Klinike Universitare të Kosovës për trajtim të mëtutjeshëm.
Me urdhër të prokurorit, të dyshuarit janë dërguar në mbajtje nën dyshimet për kryerjen e veprave penale ‘Vrasje në tentativë’ dhe ‘Lëndim trupor’.
