Për deklaratat e kryeministrit Albin Kurti se është i gatshëm të shkojë në zgjedhje, ka reaguar edhe shefi i grupit parlamentar të PDK-së, Abelard Tahiri.
Tahiri, përmes një postimi në profilin e tij në rrjetin social Facebook, ka shkruar se kërkesa e Kurtit për zgjedhje të parakohshme është paralajmërim për t’u larguar.
Postimi i tij i plotë:
Kërkesa e Albin Kurtit për zgjedhje të parakohshme është paralajmërim për t’u larguar. Është lajm i mirë paralajmërimi i Albin Kurtit për t’u larguar. Kjo do të ishte e vetmja e mirë që Albin Kurti do t’ia bënte Kosovës në këto tri vjet.
Largimi i Kurtit do të thotë largim i sanksioneve ndërkombëtare. Largimi i Kurtit do të thotë fundi i stagnimit ekonomik. Largimi i Kurtit do të thotë ndalje e tenderëve njëburimorë qindramilionësh. Sa më afër largimi i Albin Kurtit, aq më afër zhvillimi i Kosovës.
