Ish-zëvendëskryeministrja e Kosovës, Edita Tahiri, ka bërë me dije se bashkëpunimi i Kosovës me SHBA-të ndikon edhe në raportet e Serbisë me Rusinë.
Ajo ka bërë me dije se sa më shumë që Kosova bashkëpunon me aleatin e saj strategjik aq më shumë Serbia hidhet në përqafim të Rusisë.
Në profilin e saj në “Facebook”, ajo ka shkruar se duke dëgjuar këshillat amerikane Kosova po bëhet anëtare e Këshillit të Evropës.
“Sa më shumë Kosova bashkëpunon me Amerikën, aq më shumë Serbia shkon me Rusinë - Kosova duke dëgjuar këshillat amerikane po bëhet anëtare e Këshillit të Evropës, Serbia po del nga Këshilli i Evropës sepse Rusia ka braktisur Këshillin e Evropës”, ka shkruar Tahiri.
