Profesor Arsim Sinani është shprehur se presidenti i Serbisë, Aleksandër Vuçiç ka pasur një sërë dështimesh në Kosovë dhe sipas tij, me Albin Kurtin kryeministër, ka një rikthim të sovranitetit të Prishtinës zyrtare në Veri.
Komentet Sinani i bëri në Euronews Albania, ku tha se Kosova është e përkushtuar që t’i rikthejë serbët në veri në institucione.
Sipas tij, një mesazh të tillë e dha edhe kryeministri Albin Kurti me vizitën e tij në Veri, por shtoi se në institucione do të kthehen ata serbë që nuk i japin llogari Beogradit për zhvillimet atje.
“Presidenti serb Vuçiç ka një cikël dështimesh në raport me Kosovën. Ne jemi kthyer në një rikthim të sovranitetit të Kosovës në Veri. Pra jemi në fazën e rikthimit të Kosovës në kufijtë e vetë. Kur flasim për Serbinë dhe implikimin e saj në rajon, Serbia dëshiron që ta mbajë fragjele Europën Juglindore, Bosnjën, ku luan me Dodikun sa herë që ka krisë dhe Dosik është një kukull në duart e ideve serbomadhe dhe rusomadhe në Ballkan.
Në Maqedoni duke përdorur Milletiçin dhe figura të tjera të implikuara brenda subjekteve politike maqedone, VMRO dhe LSDM. Në Malin e Zi, ku pati shumë sukses në një periudhë të turbullirave të fuqishme atje, ku një shqiptar zhvilloi idetë e Kishës serbe. Ne sot kemi një dekompozim të faktorit shqiptar në Malin e Zi. Edhe në Hungari dhe Rumani ka luajtur mirë Vuçiç.
Në Hungari kemi një kryeministër proserb. Zhvillimet rajonale Serbia e përdor gjithmonë kur ka zgjedhje, por lajmi i keq për Vuçiç pasi Kurti bëri dy veprime që janë vizita në Veri dhe fotografia e ministrit Zvelça dhe Haxhiut. Po ashtu edhe fotografia e Vuçiç me dy familjet e dëshmorëve të veriut të Mitrovicës dha një sinjal interesant që Kosova do jetë e përkushtuar që serbët t’i kthejnë në institucione, por jo serbë që i japin llogari Serbisë”, tha Sinani.
