Nëna e Melos Rexhajt, 12-vjeçarit që u raportua më herët si i zhdukur ka njoftuar për RTKlive se djali është gjetur shëndosh e mirë në Ferizaj.
Ajo ka treguar se dikush e ka parë duke blerë në një market ushqimor dhe ka njoftuar menjëherë familjen.
“E kemi gjetë Melosin, në Ferizaj. Na kanë lajmëru ata që e kanë pa në qytet afër komunës. Tash jemi në stacionin policor të Ferizajt”, tha Hanife Rexhaj.
Ajo tha se djali i kishte thënë se ka marrë rrguën nga fshati Petrovë i Shtimës për në Ferizaj, me biçikletë, vetëm për qejf.
Melosi u raportua i zhdukur nga familjarët e tij në rrjetet sociale, ku thuhej se kishin humbur kontaktet me të që nga ora 13:00.
